Кәсіби бағдар – оқушы болашағына салынған жол

Кәсіби бағдар – оқушы болашағына салынған жол

№35 жалпы білім беретін мектепте Мұхтар Әуезов атындағы педагогикалық колледж мамандарының қатысуымен 9-сынып оқушыларына арналған кәсіби бағдар беру кездесуі өткізілді.

Шара барысында оқушыларға колледждің білім беру бағдарламалары, мамандықтар бағыттары, оқу мерзімі мен мүмкіндіктері таныстырылды. Колледж өкілдері педагогикалық мамандықтардың маңыздылығына тоқталып, нақты мысалдар арқылы өз мамандықтарына деген сүйіспеншіліктерін жеткізе білді.

Кездесу оқушылар үшін болашақ мамандықты таңдауда құнды ақпарат пен мотивация беретін маңызды сәтке айналды. Мұндай шаралар оқушылардың саналы таңдау жасауына, өз қабілеттерін дұрыс бағытта дамытуына ықпал етеді.

Мектебімізде оқушылардың кәсіби бағдарлануына бағытталған жұмыстар жүйелі түрде жүргізілуде және бұл бағыттағы серіктестік жалғасын табатын болады.