5511 Ұлттық ұлан академиясының өкілдерімен үгіт-насихат жұмысы өтті.
2025 жылғы 20 қарашада мектебімізде 5511 Ұлттық ұлан академиясының өкілдерімен 10–11 сынып оқушыларына арналған үгіт-насихат жұмысы өткізілді. Іс-шара акт залында ұйымдастырылып, оқушыларға әскери кафедраға қабылдану шарттары, оқу тәртібі, әскери дайындықтың маңызы және болашақта берілетін әскери атақтар туралы толық ақпарат берілді.
Жұмыстың барысында оқушыларға әскери кафедраның міндеттері мен оқу бағдарламасының құрылымы түсіндіріліп, қабылдау талаптары, медициналық тексеріс, университетке түсу шарттары мен қажетті құжаттар тізімі туралы мәліметтер ұсынылды. Сонымен қатар, әскери дайындық сабақтарының форматы (теория, практика, жиын) көрсетіліп, кафедраны тәмамдағаннан кейін берілетін запас офицер немесе сержант атағы жөнінде ақпарат берілді. Қатысушылардың қызығушылығын анықтау үшін сұрақ-жауап жүргізілді, әскери қызметтің ел қауіпсіздігі мен азаматтық борыш тұрғысынан маңызы түсіндірілді.
Нәтижесінде оқушылар әскери кафедра туралы толық ақпарат алып, қызығушылығы артты. Барлық туындаған сұрақтарға нақты жауап беріліп, түсіндірме жұмысы мақсатқа жетті. Іс-шара 10–11 сынып оқушылары арасында әскери дайындықтың маңызын түсіндіруге, болашақ мамандық таңдауда бағыт-бағдар беруге және әскери кафедраға деген қызығушылықты арттыруға ықпал етті.
